Fai uns dias a Xunta de Galicia decretou loito oficial por toda esta situación que estamos a vivir e en recordo de tantas vidas humanas falecidas, ben polo coronavirus como por outra circunstancia .
O loito é unha forma visible de lembrar aos que nos precederon, aos seres queridos que xa non están entre nós, é lembrar -como neste momento pasa- a tanta xente que morre en soidade e a moita que dá a súa vida por salvar a doutros.
Normalmente, nas nosas sociedades culturais, representamos o loito na cor negra, así vemos crespóns da devandito cor nos perfís das redes sociais, nas bandeiras, no vestido de personaxes públicos, ou de veciños....
Noutras culturas, a cor de loito é o branco, pois quere significar a festa e a entrada na "outra vida" mellor que a culminada.
Sexamos quen de levar no noso loito o negro da tristeza pola perda de seres queridos e o branco da esperanza para a vida resucitada con Cristo.
Ningún comentario:
Publicar un comentario